Qırğızıstan Xalqlar Assambleyasının sədrinə Ulu Öndərin yubileyinə həsr edilmiş kitab hədiyyə olunub
Bakı, 9 iyul, AZƏRTAC
Türkdilli Dövlətlərin siyasətinə Dəstək Fondunun prezidenti Nüsrət Məmmədov və “Azəri” Ictimai Birliyinin sədri Əzizağa Əliyev Qırğızıstan Xalqlar Assambleyasının sədri Almambet Matubraimovla görüşüblər.
Fonddan AZƏRTAC-a bildirilib ki, görüşdə Almambet Matubraimov 1997-ci ilin martında Azərbaycana rəsmi səfərindən, səfər zamanı Ulu Öndər Heydər Əliyevlə görüşü ilə bağlı xatirələrindən danışıb.
Nüsrət Məmmədov və Əzizağa Əliyev Almambet Matubraimova fondun Bişkekdə nəşr etdirdiyi “Xalqa bağışlanmış ömürdən anlar” və “Müzəffər Ali Baş Komandan: Əziz Şuşa, sən azadsan!” kitablarını hədiyyə ediblər.
Qeyd edək ki, Almambet Matubraimov 1993-cü ildə Qırğız Respublikasının dördüncü Baş naziri və 1995-1997-ci illərdə Qırğızıstan parlamentinin Nümayəndələr Palatasının (Yuxarı Palatasının) ilk sədri olub.
O, 1996-1999-cu illərdə Beynəlxalq Parlamentlər Assambleyasında keçmiş Dağlıq Qarabağ münaqişəsi üzrə koordinasiya şurasının sədri vəzifəsini icra edib.
Bölmənin digər xəbərləri
