“Qiymətli kağızlar bazarı haqqında” Qanuna əcnəbilərlə bağlı yeni maddə əlavə olunur
Bakı, 9 fevral, AZƏRTAC
“Qiymətli kağızlar bazarı haqqında” Qanuna əcnəbilərlə bağlı yeni maddə əlavə ediləcək.
AZƏRTAC xəbər verir ki, bu məsələ Milli Məclisin İqtisadi siyasət, sənaye və sahibkarlıq komitəsinin fevralın 9-da keçirilən iclasında müzakirəyə çıxarılıb.
Dəyişikliyə görə, sənədə “Dövlət qiymətli kağızlarına və ya paylarının (səhmlərinin) 51 və daha artıq faizi dövlətə məxsus olan hüquqi şəxslərin investisiya qiymətli kağızlarına malik olmaqla Azərbaycan Respublikasının ərazisində müvəqqəti və ya daimi yaşamaq üçün icazə almış əcnəbilərin və ya vətəndaşlığı olmayan şəxslərin investisiya qiymətli kağızları, o cümlədən dövlət qiymətli kağızları barədə məlumatlar müvafiq icra hakimiyyəti orqanına Azərbaycan Respublikasının Miqrasiya Məcəlləsi ilə müəyyən edilmiş hallarda verilir”, - məzmunlu maddə əlavə ediləcək.
Bölmənin digər xəbərləri
