QİYMƏTLİ TARİXİ ƏŞYALAR TUTULMUŞDUR

12.04.2004 [14:27]
Çap et
A⁺ A^-

AZƏRTAC-ın xüsusi müxbiri xəbər verir ki, Parisin Ruasi-Şarl de Qoll hava limanının gömrük xidmətinin işçiləri Nigeriyadan gələn 42 yaşlı Mali vətəndaşının 23,4 kiloqramlıq yükü barədə məlumat vermədiyinə görə, ondan şübhələnmiş və gətirdiyi əşyalara baxış keçirmişlər. Baxış zamanı onun eramızdan əvvəlki dövrlərə aid 6620 ədəd tarixi əşyanı gizlətdiyi aydın olmuşdur.

Tutulub saxlanılmış şəxs 5530 yonulmuş daş oxu və neolit dövrünə aid 90 ədəd bahalı daşı Nigeriyanın qumlu səhralarından tapdığını bəhanə gətirərək, onları Amerikaya aparmaq istədiyini bildirmiş, hətta arzu etsələr, Fransaya satmaq istəyini də açıqca söyləmişdir.

Parisin Dünya Paleontologiya İnstitutunun ekspertləri əşyaları nəzərdən keçirərək onların eramızdan əvvəl 8000-3000-ci illərə aid olduğunu bildirmişlər.

Negeriya dövləti ölkəyə məxsus tarixi əşyaların gizli şəkildə xarici ölkələrə aparılmasına qadağa qoymuş YUNESKO Konvensiyasına qoşulduğuna görə, nigeriyalılara məxsus qiymətli daşları xarici ölkələrə satmaq istəyən Mali vətəndaşı həbs edilmişdir.

QİYMƏTLİ TARİXİ ƏŞYALAR TUTULMUŞDUR

MÜƏLLİFLƏ ƏLAQƏ

Bölmənin digər xəbərləri