Qlobal Cənubun inkişafını şərtləndirən Qərbin dominantlığına qarşı mübarizədə həmrəylikdir
Bakı, 14 may, AZƏRTAC
Qlobal Cənubun inkişafını şərtləndirən bir çox amillər olub. Müəyyən dövr bu proses daha çox müstəmləkəçiliyə qarşı mübarizə ilə xarakterizə olunurdu. Bir çox Afrika, Asiya və Latın Amerikası ölkələri məhz bu mübarizə nəticəsində müstəqillik qazanıblar. Hazırkı mərhələdə isə bu inkişaf daha çox Qərbin dominantlığına qarşı mübarizədə həmrəylik prinsipindən irəli gələn, ehtiyacdan yaranan bir əməkdaşlıqdır.
AZƏRTAC xəbər verir ki, bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin genişləndirilmiş iclasında “Qlobal Cənubun yüksəlişi və Qərb: Azərbaycanın rolu, əməkdaşlıq və inkişaf üçün yeni imkanlar” mövzusunda keçirilən müzakirələr zamanı xarici işlər nazirinin müavini Yalçın Rəfiyev bildirib.
Nazir müavininin sözlərinə görə, iqtisadi baxımdan Qlobal Cənubun inkişafı yaxın illərdə iqtisadi dominantlıq sahəsində balansın Qlobal Cənuba doğru dəyişəcəyini göstərir. İlkin qiymətləndirmələrə əsasən, 2030-cu ilə qədər dünyanın ən böyük dörd iqtisadiyyatından üçünün Qlobal Cənub ölkələri olması proqnozlaşdırılır.
Bölmənin digər xəbərləri
