QONŞU DÖVLƏTLƏR ÖZBƏKİSTANLA SƏRHƏDİ GÜCLƏNDİRİR
Özbəkistan Prezidenti İslam Kərimovun martın 29-u axşam televiziya ilə xalqa müraciətində deyilir ki, 1999-cu ilin fevralında Daşkənddə baş vermiş partlayışlarla indiki hadisələr arasında əlaqə açıq-aydın görünür. Bu onu göstərir ki, hadisələrin arxasında böyük maliyyə vəsaiti və imkanları olan ekstremist qüvvələr durur. İlkin istintaq nəticəsində əldə olunmuş dəlil-sübutlar, silah, partlayıcı maddələr, dini ədəbiyyat, dinc əhali əleyhinə yönəldilmiş müxtəlif vasitələr sübut edir ki, bu cinayət uzun müddət ərzində hərtərəfli hazırlanmışdır.
Terror aktları ilə bağlı Özbəkistan Prezidenti İslam Kərimovun başçılığı ilə yaradılan hökumət komissiyasının ilk iclasında terrorçuluq, dini ekstremizm qətiyyətlə pislənmiş, bunlarla mübarizə ilə bağlı konkret vəzifələr müəyyənləşdirilmişdir.
Bu hadisələrin fonunda Özbəkistanla qonşu dövlətlər – Qazaxıstan, Qırğızıstan, Tacikistan və Türkmənistan bu ölkə ilə sərhədlərinə nəzarəti gücləndirir.
Bölmənin digər xəbərləri
