QROZNIDA TÖRƏDİLMİŞ TERROR AKTI NƏTİCƏSİNDƏ ÇEÇENİSTAN PREZİDENTİ ƏHMƏD KADIROV HƏLAK OLMUŞDUR
Terror aktı yerli vaxtla səhər saat 10.35-də Qroznı şəhərinin “Dinamo” stadionunda baş vermişdir. Burada Qələbə günü münasibətilə təntənəli mərasim keçirilirdi. Partlayıcı qurğu fəxri qonqlar üçün tribunanın altına qoyulmuş, partlayış nəticəsində daha 4 nəfər həlak olmuş, 44 nəfər isə yaralanmışdır.
Əhməd Kadırovun mayın 10-da öz doğma kəndində - Senmoroydə dəfn olunacağı bildirilir. Yaradılmış dəfr komissiyasına Çeçenistan hökumətinin sədri Sergey Abramov başçılıq edir. Respublikada 3 günlük matəm elan olunmuşdur.
Həmin gün Rusiya Prezidenti Vladimir Putin Çeçenistan prezidentinin təhlükəsizlik xidmətinin rəisi, mərhumun oğlu Ramazan Kadırovla keçirdiyi görüşdə “Əhməd Kadırovun mayın 9-da, ümummilli bayram günü həlak olduğu və həyatdan qalib bir insan kimi getdiyini” bildirmişdir.
Bölmənin digər xəbərləri
