Qusara gələn əcnəbi turistlərin sayı xeyli artmışdır
Qusar, 15 noyabr (AZƏRTAC). Cari ilin yay mövsümündə Qusar rayonuna gələn turistlərin sayında artım müşahidə olunmuşdur.
Rayon mədəniyyət və turizm şöbəsindən AZƏRTAC-a bildirmişlər ki, cari ilin yay mövsümü ərzində rayona 20 minə yaxın turist gəlmişdir. Bu da ötən illərin eyni dövrü ilə müqayisədə xeyli çoxdur. Turistlər daha çox Şahdağ Qış-Yay Turizm Kompleksində istirahət etməyə maraq göstərmişlər.
Rayona istirahətə gəlmiş qonaqların arasında əcnəbilərin sayı da artmışdır. Xarici turistlər arasında Rusiya, Ukrayna və Türkiyədən gələnlər üstünlük təşkil etmişdir.
Qusarda kənd turizmindən yararlananların sayında da artım olmuşdur.
İndi Şahdağ Qış-Yay Turizm Kompleksində qış mövsümünə ciddi hazırlıq işləri gedir. Mövsümün açılışında istirahət mərkəzində 3 yeni otelin istifadəyə verilməsi nəzərdə tutulmuşdur.
Bölmənin digər xəbərləri
