Respublika Seysmoloji Xidmət Mərkəzinin əməkdaşı beynəlxalq konfransda iştirak edib
Bakı, 15 may, AZƏRTAC
Sloveniya Ətraf Mühit Agentliyinin təşəbbüsü ilə Sloveniyanın paytaxtı Lyublyana şəhərində “Avropa Antelope İstifadəçilər Qrupu”nun toplantısı keçirilib.
Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin (RSXM) informasiya şöbəsindən AZƏRTAC-a bildirilib ki, dünyanın 18 ölkəsindən tanınmış mütəxəssis proqramçıların iştirak etdiyi tədbirdə mərkəzi “Zəlzələlərin tədqiqatı bürosu”nun rəis müavini, sistem administratoru Ruqiyyə Kərimova təmsil edib.
Mayın 7-dən 9-dək keçirilən konfransda “Antelope Real-Time” sisteminin yeni 5.8 versiyası təqdim olunub.
Həmçinin konfransda seysmoloji məlumatların emalı və təhlili ilə bağlı məsələlər də müzakirə edilib.
Bölmənin digər xəbərləri
