CƏMİYYƏT
Respublika üzrə mart ayının pensiya ödənişi yekunlaşıb
![Respublika üzrə mart ayının pensiya ödənişi yekunlaşıb](/files/2023/1/1200x630/16789476351778657573_1200x630.jpg)
Novruz bayramı ərəfəsində mart ayının müavinət, təqaüd, ünvanlı yardımları da qrafikdən əvvəl olmaqla ödəniləcək
Bakı, 16 mart, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu respublika üzrə mart ayının pensiya ödənişini yekunlaşdırıb.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, martın 7-də Bakı və Sumqayıt şəhərləri, Abşeron rayonunda, martın 15-də isə ölkəmizin digər bölgələrində yaşayan şəxslərin mart ayı üzrə pensiyaları, habelə güzəştli şərtlərlə təyin edilmiş pensiyalar ödənilib.
Xatırladaq ki, Novruz bayramı ilə əlaqədar mart ayının müavinət, təqaüd və ünvanlı dövlət sosial yardımlarının da qrafikdən əvvəl olmaqla bayram ərəfəsində, yəni martın 17-də tam ödənilməsi nəzərdə tutulub.