Respublikanın əksər bölgələrində avqust ayının üçüncü ongünlüyü isti və quru keçib
Bakı, 5 sentyabr, AZƏRTAC
Respublikanın əksər bölgələrində avqust ayının üçüncü ongünlüyü isti və quru keçib, havanın orta temperaturu çoxillik normadan 1-3º-yə qədər yüksək olub.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 26,6º, Naxçıvanda 28,1º, Mil-Muğan, Mərkəzi Aran, Gəncə-Goranboy, Şəki-Zaqatala və Qarabağ bölgələrində 25-27º, Dağlıq Şirvan bölgəsində və Qubada 22-24º, Lənkəran-Astarada 23-28º, Tovuz-Qazaxda 19-26º təşkil edib.
Havanın minimum temperaturu Gədəbəy, İsmayıllıda 10º, Quba, Cəfərxan, Naxçıvan və Lənkəranda 15ºC Zərdab və Gəncədə 16º, Zaqatala, Şəki və Şamaxıda 18º, Maştağada 19º, Acınohurda 20º qeydə alınıb.
Bölmənin digər xəbərləri
