Rusiya-Azərbaycan sərhədində yük axınının həcmi artıb
Moskva, 19 iyun, AZƏRTAC
Kənd təsərrüfatı məhsullarının daşınması üzrə mövsümi aktivlik səbəbindən dövlət sərhədinin Rusiya-Azərbaycan hissəsində yükdaşımalarında artım qeydə alınıb.
AZƏRTAC Rusiya Federal Gömrük Xidmətinin mətbuat xidmətinə istinadla xəbər verir ki, Şimali Qafqaz Gömrük İdarəsi və Rusiya Federal Təhlükəsizlik Xidmətinin Dağıstan Respublikası üzrə Sərhəd İdarəsinin rəsmiləri malların rahat emalını təmin etmək üçün gücləndirilmiş əməkdaşlıq səviyyəsinə keçiblər.
Ağırtonnajlı nəqliyyat vasitələrinin sərhəddə yığılmasının qarşısını almaq üçün əlavə müvəqqəti gömrük nəzarəti zonası yaradılıb. Belə ki, əsas zonanın tutumu 400 nəqliyyat vasitəsinə çatdırılıb.
Rusiya Federal Gömrük Xidmətinin məlumatına görə, gündə orta hesabla 1000-1400 yük maşını Yaraq-Kazmalar və Tagirkent-Kazmalyar keçid məntəqələrindən keçir. Azərbaycan, İran, Türkiyə və Gürcüstandan gələn qida məhsullarının və tez xarab olan malların, o cümlədən təzə meyvə-tərəvəzin rəsmiləşdirilməsinə xüsusi diqqət yetirilir. 2026-cı ilin yanvar ayından bəri Şimali Qafqazın gömrük rəsmiləri 2,7 milyon tondan çox mal rəsmiləşdiriblər ki, bu da ötən ilin eyni dövrü ilə müqayisədə 14,5 faiz çoxdur.
Bölmənin digər xəbərləri
