Rusiya hərbi aerodromlarında təyyarələrin təhlükəsizlik səviyyəsi artırılıb
Bakı, 12 avqust, AZƏRTAC
Rusiya Hərbi Hava Qüvvələrinin komandanı Sergey Kobylaş aerodromlarda təyyarələrin mühafizəsinin gücləndirilməsi istiqamətində qısa müddətdə irimiqyaslı işlərin görüldüyünü açıqlayıb.
AZƏRTAC xəbər verir ki, onun sözlərinə görə, qısa zaman kəsiyində aerodromlarda təyyarələrin təhlükəsizliyinin artırılması, eləcə də ixtisaslaşdırılmış avadanlıqların və uçuş-texniki formaların təkmilləşdirilməsi üçün böyük həcmdə tədbirlər həyata keçirilib.
O qeyd edib ki, aviasiyadan istifadənin taktiki üsulları fasiləsiz olaraq yenilənir, xarici istehsalçılardan geri qalmayan, əksinə, bir çox göstəricilərə görə onları üstələyən müasir texnologiyalar inkişaf etdirilir. Həmçinin cari ildə həm yerüstü, həm də hava hədəflərinin, o cümlədən pilotsuz uçuş aparatlarının məhv edilməsində yüksək effektiv nəticələr əldə olunduğu vurğulanıb.
Bölmənin digər xəbərləri
