Rusiya səmasında avqustun 13-nə keçən gecə 362 dron vurulub
Moskva, 13 avqust, AZƏRTAC
Avqustun 13-nə keçən gecə RF hava hücumundan müdafiə sistemləri Rusiyanın regionları, həmçinin Qara və Azov dənizləri üzərində 362 Ukrayna pilotsuz uçuş aparatını (PUA) məhv edib.
AZƏRTAC xəbər verir ki, Başqırdıstanın Salavat şəhərindəki sənaye zonasına 20-dən çox dron hücum edib. PUA-ların bəziləri vurulub, qalanları isə respublikanın Çişminski rayonundakı anbar kompleksinə dəyib.
Hava hücumu nəticəsində “Wildberries” obyektinin yerləşdiyi sənaye zonasında yanğın baş verib. Tələfat və dəymiş ziyan barədə məlumatlar dəqiqləşdirilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
