Rusiyada koronavirus pandemiyasının üçüncü dalğasının başlanacağını istisna etmirlər
Moskva, 30 mart, AZƏRTAC
Rusiya Səhiyyə Nazirliyi ölkədə koronavirus pandemiyasının üçüncü dalğasının başlanacağını istisna etmir.
AZƏRTAC xəbər verir ki, Rusiya səhiyyə nazirinin müavini Tatyana Semyonova bu fikirləri “Tibb təhsili həftəsi” konfransında çıxışı zaman söyləyib.
O deyib ki, ölkədə koronavirusa yoluxma göstəriciləri üçüncü dalğanın başlanacağından xəbər verir. Eyni zamanda, nazir müavini Rusiyada qarşıdan gələn bir və ya iki ay ərzində populyasiya immunitetinin yaranacağına və infeksiyanın daha çox yayılmasının qarşısının alınacağına ümid bəslədiyini vurğulayıb.
Qeyd edək ki, Rusiyada son gündə 8277 nəfərdə koronavirus infeksiyası aşkar edilib. Ölkədə COVID-19 xəstələrinin ümumi sayı 4 milyon 536 min 820 nəfərə çatıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
