RUSİYANIN ÜÇ XƏBƏR AGENTLİYİ İNTELLEKTUAL MÜLKİYYƏTİN MÜDAFİƏSİ ÜÇÜN BİRLƏŞMİŞDİR
Bəyanatda deyilir ki, “agentliklər istər Rusiya, istərsə xarici ölkə KİV-lərində, istərsə də internetdə onların intellektual mülkiyyət hüquqlarının pozulması faktlarının birgə monitorinqini keçirəcəklər”. Agentliklər intellektual mülkiyyətin oğurlanması və ondan qanunsuz istifadə olunması faktları ilə qarşılaşan bazar iştirakçılarına kömək göstərəcəklərinə də söz verirlər.
Bəyanatda vurğulanır ki, “Rusiyanın ən iri xəbər agentlikləri öz müştərilərini və bütün cəmiyyəti keyfiyyətli informasiya ilə təmin etməkdə maliyyə, təşkilat, kadr sarıdan çox böyük xərclər çəkirlər. Mətn, birja informasiyasının və digər informasiyanın qanunsuz mənimsənilməsi orijinal xəbər və təhlili məhsul istehsalçılarına real iqtisadi ziyan vurur”.
Agentliklərin bu bəyanatı verməsinə RBK agentliyinin və “Vedomosti” qəzetinin müəllif hüquqlarının pozulduğu barədə qarşılıqlı ittihamları səbəb olmuşdur. Qəzet RBK saytının “Analitika” bölməsində “Vedomosti”nin arxivindən ilk mənbəyə istinadsız 100-dən çox məqalə yerləşdirdiyinə görə 257 milyon rubl məbləğində kompensasiya tələb etmişdir. RBK isə bildirmişdir ki, “Vedomosti” qəzeti onun mətnlərindən agentliyin icazəsi olmadan istifadə etmişdir.
Bölmənin digər xəbərləri
