AZƏRTAC-ın xarici informasiya agentliklərindən aldığı xəbərə görə, Malayziyada keçirilən Asiyada ən iri beynəlxalq silah və hərbi texnika sərgisində Rusiya ekspozisiyasındakı üçüncü nəsil “Kornet-E” tipli idarə edilən tankəleyhinə reaktiv mərmi nəinki adi tamaşaçılarda, hətta mütəxəssislərdə xüsusi maraq doğurmuşdur. Məsələn, İndoneziya quru qoşunları baş komandanının müavini general-leytenant Coko Santoso bu silaha azı 15 dəqiqə baxmışdır. Həmin silah 5,5 kilometr məsafədəki hədəfi vurmağa və hədəfin 1200 millimetrlik zirehini, yaxud 4,5 metr qalınlığında dəmir-beton konstruksiyanı deşməyə qadirdir. Odur ki, heç bir müasir tank onun qarşısında tab gətirə bilməz.