SABİRABADDA BƏRPA İŞLƏRİ DAVAM ETDİRİLİR
Sabirabad, 23 iyun (AZƏRTAC). Təbii fəlakət zonasında daşqının nəticələri aradan qaldırılır. Prezident İlham Əliyevin göstərişlərinə uyğun olaraq kompleks işlər davam etdirilir.
Təbii fəlakət nəticəsində dağılmış yerli və respublika əhəmiyyətli avtomobil yolları bərpa olunur. Hazırda Qazıməmməd-Bəhramtəpə-Horadiz yolunun 22-ci və 49-cu kilometrliyində yeni asfalt örtüyü döşənir. Bu məqsədlə Nəqliyyat Nazirliyi tərəfindən texnika və tikinti işləri üçün lazım olan bütün inşaat materialları ayrılmışdır.
Suyun çəkildiyi kəndlərdə evlərinə qayıdan sakinlərə lazımi tibbi xidmət göstərilir. Sakinlərin yoluxucu xəstəliklərə tutulmasının qarşısını almaq məqsədi ilə dezinfeksiya işləri aparılır.
Bölmənin digər xəbərləri
