Bakı, 1 iyul, AZƏRTAC

Çinli Din Lirenlə hindistanlı Dommaracu Qukeş (Hindistan) arasında Şahmat Tacı uğrunda oyuna ev sahibliyi edəcək ölkə açıqlanıb.

AZƏRTAC Beynəlxalq Şahmat Federasiyasının rəsmi saytına istinadən xəbər verir ki, həlledici görüşlər noyabrın 20-dən dekabrın 15-dək Sinqapurda təşkil olunacaq.

Dünya çempionluğu uğrunda qarşılaşmanın mükafat fondu 2,5 milyon ABŞ dollarıdır.

Qeyd edək ki, Din Liren hazırkı dünya çempionu, Dommaracu Qukeş isə İddiaçılar Turnirinin son qalibidir.