SALYANDA 11000 HEKTAR SAHƏYƏ TAXIL ƏKİLMİŞDİR
Salyan Rayon Statistika İdarəsindən AZƏRTAC-a bildirmişlər ki, rayonun torpaq mülkiyyətçiləri indiyədək 11000 hektar sahəyə taxıl əkmişlər. Bu mövsümdə respublikanın baza təsərrüfatlarından 2500 ton yüksək məhsuldar toxum alınmış, əkin sahələrinə 100-ə yaxın səpin aqreqatı və şum traktoru çıxarılmışdır. Mövsümün axırınadək daha 7000 hektarda səpin aparılması nəzərdə tutulur.
Kənd əməkçiləri cari ildə 17.537 hektar sahədən 54.680 ton taxıl götürmüş, hər hektarın məhsuldarlığını 31,2 sentnerə çatdırmışlar. Bu, ötən illə müqayisədə 4.738 ton artım deməkdir. Gələn il ümumi məhsul istehsalı həcminin 60.000 tona yüksələcəyi proqnozlaşdırılır.
Bölmənin digər xəbərləri
