Salyanda soyqırımı qurbanlarının xatirəsi yad edilmişdir
Salyan, 30 mart (AZƏRTAC). Salyan şəhərindəki Dövlət Bayrağı Meydanında 31 mart - Azərbaycanlıların Soyqırımı Günü münasibətilə soyqırımı qurbanlarının xatirəsinə ucaldılmış kompleksin önündə mart qurbanlarının xatirəsi hüznlə anılmışdır.
AZƏRTAC xəbər verir ki, rayonun rəhbər işçiləri, idarə, müəssisə və təşkilatların, əmək kollektivlərinin, ictimaiyyətin nümayəndələri soyqırımı qurbanlarının xatirəsinə ucaldılmış abidənin önünə tər gül-çiçək dəstələri qoymuş, şəhidlərin ruhunu ehtiramla yad etmişlər.
Tədbir iştirakçıları keçən il sentyabrın 14-də Salyan şəhərində ucaldılmış türk əsgərinin xatirə memorialının önünə gələrək 1918-ci ildə Salyanın müdafiəsi uğrunda döyüşlərdə həlak olmuş türk əsgər və zabitlərinin xatirəsini bir dəqiqəlik sükutla yad etmiş, məzarları önünə tər qərənfillər düzmüşlər.
Abidə önündə 31 mart - Azərbaycanlıların Soyqırımı Gününün elan edilməsi və Azərbaycan həqiqətlərinin dünyaya çatdırılmasında ümummilli liderimiz Heydər Əliyevin rolu qeyd olunmuş, ermənilərin azərbaycanlılara qarşı zaman-zaman törətdikləri vandalizm hərəkətlərinin dünya ictimaiyyətinə çatdırılmasında Prezident İlham Əliyevin gördüyü işlərdən danışılmışdır.
Bölmənin digər xəbərləri
