SAMBO ÜZRƏ DÜNYA KUBOKU YARIŞLARI SANKT-PETERBURQDA KEÇİRİLƏCƏKDİR
Bakı, 30 sentyabr (AZƏRTAC). Sambo üzrə Dünya Kubokunun mərhələ yarışı - beşqat dünya çempionu, Federasiya Şurasının üzvü, general Aslambəy Aslaxanovun mükafatı uğrunda “A” kateqoriyalı VII beynəlxalq turnir oktyabrın 2-dən 5-dək Sankt-Peterburqda keçiriləcəkdir. Yarışda Azərbaycanı Sambo Federasiyasının baş katibi, əməkdar məşqçi Yaqub Abdullayevin rəhbərliyi ilə İslam Qasımov (57 kq), Vüqar Bayramov (68 kq), Mirələm Ağamirov (82 kq) və Bəxtiyar Abbasov (90 kq) təmsil edəcəklər.
Yarışa qatılacaq 200-dək samboçu, o cümlədən dünya, Avropa və Asiya çempionları ötən əsrin 30-cu illərində keçmiş SSRİ-də yaranmış bu idman növünün gözəlliyini və orijinallığını nümayiş etdirmək üçün bir-birindən maraqlı göruşlər keçirəcəklər. Hazırda “silahsız özünümüdafiə” 53 ölkədə yayılmışdır.
Bölmənin digər xəbərləri
