SAPARMURAD NİYAZOV RƏHBƏR İŞÇİLƏRİ XALQIN VƏ DÖVLƏTİN VARINI OĞURLAMAQDANSA, ALLAHA DAHA ÇOX DUA ETMƏYƏ ÇAĞIRMIŞDIR

08.11.2005 [23:11]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Türkmənistan Prezidenti Saparmurad Niyazov Allaha iman gətirməyə, Vətənə sadiq olmağa və dövləti talamamağa çağırmışdır. “Türkmənistanın rəhbər işçiləri hər zaman Allahla olmalı, ona dua etməlidirlər. Allahı unudan kəs insanlara rəhbərlik edə bilməz”. Bu tələb Xalq Məsləhətinin oktyabrın 25-26-da keçirilmiş iclasında Türkmənistan Prezidentinin nitqindən çıxarış kimi dərc edilmiş “Saparmurad Niyazovun XXI əsrin türkmən rəhbərlərinə tapşırıq və nəsihətləri”nin birincisidir.

Nəşrdə 20-dən çox nəsihət toplanmışdır. S.Niyazovun sözlərinə görə, Türkmənistan rəhbəri dözümlü və ədalətli, xeyirxah və vicdanlı, ağıllı və təmkinli olmalıdır. O demişdir: “Nöqsanlara yol verdiyi üçün vəzifəsindən azad edilməkdən biabırçı heç nə yoxdur. Odur ki, özgə malından əlini çək, ona göz dikmə! Hədd-hüdud bilməyənlərin aqibətini unutma!”

“Nəsihətlər” son vaxtlar ölkədə həyata keçirilən kadr dəyişikliklərindən sonra dərc olunmuşdur. 2005-ci ildə Türkmənistan Prezidentinin fərmanları ilə bir sıra rəhbər işçilər korrupsiyada günahlandırılaraq, vəzifələrindən azad edilmişlər.

SAPARMURAD NİYAZOV RƏHBƏR İŞÇİLƏRİ XALQIN VƏ DÖVLƏTİN VARINI OĞURLAMAQDANSA, ALLAHA DAHA ÇOX DUA ETMƏYƏ ÇAĞIRMIŞDIR

MÜƏLLİFLƏ ƏLAQƏ

Bölmənin digər xəbərləri