SEÇİCİLƏR YÜKSƏK FƏALLIQ GÖSTƏRİRLƏR
11 saylı seçki məntəqəsinin sədri Tacəddin Aslanovun AZƏRTAC-a verdiyi məlumata görə parlament seçkiləri əvvəlkilərdən özünün fəallığı ilə seçilir. Belə ki, səsvermə saat 8.00-da başlasa da, seçicilər səhər saat 7.30-dan məntəqənin qarşısında idilər. Səsvermənin başlanmasından bir neçə saat keçib, artıq məntəqə üzrə 1266 seçicinin 100-dən çoxu istədikləri namizədə səs verib.
Burada seçkinin bütün qaydalarına əməl olunur. Seçicilər məntəqəyə daxil olmamışdan sol əlin baş barmağının üstü xüsusi cihazla yoxlanılır. Əgər barmaqda mürəkkəb yoxdursa, seçicinin məntəqəyə daxil olmasına icazə verilir. Barmağı mürəkkəblə işarələnənə seçki bülleteni verilir. Bütün bunları namizədlərin müşahidəçiləri də izləyir və təsdiqləyirlər.
1152 seçicinin səs verəcəyi 10 saylı seçki məntəqəsində də heç bir qanun pozuntusu baş verməmişdir. Burada da seçicilər mütəşəkkil qaydada səs verirlər.
Hər iki məntəqədə müşahidəçilər seçki proseslərini diqqətlə izləyirlər. Məntəqələrdə “Mitofsky İnternational, Edison Media Research and CESSİ Ltd” şirkətinin nümayəndələri “exit-pol” keçirir.
Bölmənin digər xəbərləri
