ŞƏHRİYAR MƏMMƏDYAROV UKRAYNA ŞAHMATÇISI İLƏ “SÜLH” BAĞLAMIŞDIR
Bakı, 20 aprel ( AZƏRTAC). Nalçikdə keçirilən FİDE-nin Qran-pri turnirinin 5-ci turunda Azərbaycan şahmatçısı Şəhriyar Məmmədyarov ukraynalı Sergey Karyaginlə görüşdə xalı yarı bölmüşlər.
Qeyd edək ki, həmyerlimiz ötən turda Ermənistan nümayəndəsi Vladimir Akopyanla da mübarizədən yarım xalla ayrılmışdır.
Turun digər nəticələri belə olmuşdur: Peter Svidler- Boris Gelfand 0,5:0,5, Etyen Bakro- Pavel Eljanov 0,5:0,5, Vasili İvançuk- Rüstəm Kasımcanov 0:1, Yevgeni Alekseyev- Levon Aronyan 0,5:0,5, Aleksandr Qrişuk- Peter Leko 0,5:0,5, Vladimir Akopyan-Qata Kamski 1:0.
Turnir cədvəlinə yenə də 3,5 xalla Aleksandr Qrişuk başçılıq edir.
S.Karyagin, P.Leko, L.Aronyan, E.Alekseyev 3 xal, Q.Kamski, R.Kasımcanov, E.Bakro, P.Svidler 2,5xal, Ş.Məmmədayrov, P.Eljanov, V.Akopyan, B.Gelfand 2xal, V.İvançuk 1,5 xal toplamışlar.
Bölmənin digər xəbərləri
