REGİONLAR
Şəkidə minik avtomobili motosikletlə toqquşub, iki nəfər ölüb VİDEO
Şəki, 28 noyabr, AZƏRTAC
Şəki şəhərinin mərkəzi ərazisində yol-nəqliyyat hadisəsi baş verib.
Daxili İşlər Nazirliyinin Şəki regional qrupundan AZƏRTAC-a verilən məlumata əsasən, gecə saatlarında “Opel-Astra” markalı avtomobillə motosiklet toqquşub. Ağır yol-nəqliyyat hadisəsi nəticəsində motosikleti idarə edən 42 yaşlı Natiq Abdullayev və onun sərnişini 46 yaşlı Mehman Camalov aldıqları xəsarətdən hadisə yerində həyatlarını itiriblər.
Hadisə ilə bağlı cinayət işi başlanılıb, təhqiqat aparılır.
