ŞƏKİDƏ XOCALI FACİƏSİNİN İLDÖNÜMÜ İLƏ BAĞLI ANMA MƏRASİMLƏRİ KEÇİRİLİR
Şəki, 25 fevral (AZƏRTAC). Bəşəriyyət tarixinin ən dəhşətli terror hadisələrindən olan Xocalı faciəsinin on yeddinci ildönümü ilə bağlı, Şəki Şəhər İcra Hakimiyyətinin xüsusi tədbirlər planına uyğun olaraq, bir-neçə gündür ki, ali, orta ixtisas və ümumtəhsil məktəblərində, mədəniyyət ocaqlarında, ayrı-ayrı əmək kollektivlərində anma mərasimləri, ədəbi-bədii gecələr, konfranslar, sərgi və guşələr təşkil olunur, sənədli və bədii filmlər nümayiş etdirilir. Tədbirlərdə faciənin mahiyyəti və acı nəticələri bir daha xatırlanır, ermənilərin xalqımıza qarşı həyata keçirdiyi təcavüzkar işğalçılıq siyasəti qətiyyətlə pislənilir.
Fevralın 26-da rayonun bütün təhsil müəssisələrində ilk dərslər Xocalı soyqırımına həsr olunacaqdır. Bundan əlavə, həmin gün rəsm qalereyasında faciənin dəhşətlərini əks etdirən sərgi təşkil olunacaq, rayonda məskunlaşmış xocalılara yardım paylanılacaq, ümumrayon anma mərasimi keçiriləcəkdir.
Bölmənin digər xəbərləri
