Səlfinaz Vəliyeva: Nəhayət 31 ildən sonra Laçınıma qovuşuram
Bakı, 22 iyul, AZƏRTAC
Bu günü çoxdan gözləyirdik. Müzəffər Ali Baş Komandan İlham Əliyevin rəhbərliyi ilə rəşadətli Ordumuz torpaqlarımızı azad etdi. Çox sevincliyəm.
Bu sözləri AZƏRTAC-a müsahibəsində Laçın rayon sakini Səlfinaz Vəliyeva deyib. O qeyd edib ki, Laçına qovuşacaqları günə ümidləri heç vaxt tükənməyib. “Qayıdacağımıza əmin idim. Nəhayət 31 ildən sonra Laçınıma qovuşuram. Mənimlə birlikdə o torpaqlardan didərgin düşmüş insanların bir çoxu vəfat edib. Oradan çıxarkən 42 yaşım var idi. Öz dədə-baba yurduma tez çatmaq üçün səbirsizlənirəm”.
Bölmənin digər xəbərləri
