Şənbə-bazar günləri ərzində yığılan silah və sursatların sayı açıqlanıb
Bakı, 1 aprel, AZƏRTAC
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir.
Daxili İşlər Nazirliyinin mətbuat xidmətindən AZƏRTAC-a verilən məlumata görə, polis əməkdaşlarının keçirdikləri tədbirlər nəticəsində martın 30-da və 31-də Xankəndi şəhəri ərazisindən 7 ədəd müxtəlif markalı avtomat silahı, 1 tapança, 2 tüfəng, 4 qumbara, 2 qumbaratan, 5 süngü bıçaq 1 alışdırıcı, 75 patron darağı, müxtəlif çaplı 1870 patron və digər sursatlar aşkarlanaraq götürülüb.
Son iki gündə polis əməkdaşları paytaxt və respublikanın ayrı-ayrı rayonlarında 1 avtomat silahı, 1 tapança, 9 tüfəng, 1 patron darağı və 1 müxtəlif çaplı patron təhvil götürüblər.
Martın 30-da və 31-də polis əməkdaşlarının keçirdikləri əməliyyat tədbirləri nəticəsində qanunsuz saxlanılan 1 avtomat silahı, 1 tapança, 2 patron darağı və müxtəlif çaplı 37 patron aşkar edilərək götürülüb.
Bölmənin digər xəbərləri
