SENTYABRIN 5-DƏ ÇEÇENİSTANDA PREZİDENT SEÇKİLƏRİ KEÇİRİLƏCƏK
AZƏRTAC-ın İTAR-TASS agentliyindən aldığı xəbərə görə, Çeçenistanda Prezident seçkiləri 2004-cü il sentyabrın 5-də keçiriləcəkdir. Bunu RF Prezidentinin Cənub Federal dairəsindəki səlahiyyətli nümayəndəsi Vladimir Yakovlev jurnalistlərlə görüşündə bildirmişdir.
Onun sözlərinə görə, respublika seçki komissiyasının tərkibi dəyişməz qalmışdır və komissiya bu yaxınlarda öz vəzifəsini icra etməyə başlayacaqdır. V.Yakovlev onu da bildirmişdir ki, seçki kampaniyasını maliyyələşdirmək büdcədə nəzərdə tutulmadığından, onun həlli üçün büdcə vəsaitinin, habelə hansısa fondların bir hissəsini bu işə cəlb etmək lazımdır.
Bölmənin digər xəbərləri
