SƏRHƏD KEÇİD QAYDALARI SADƏLƏŞDİRİLİR
Dövlət Gömrük Komitəsindən AZƏRTAC-a bildirmişlər ki, Azərbaycan TRASEKA proqramı çərçivəsində həyata keçirilən “Sərhəd keçid prosedurlarının harmonikləşdirilməsi” regional layihəsində fəal iştirak edir. Ölkəmizin gömrükçüləri sərhəd buraxılış məntəqələrində gömrük qaydalarının harmonikləşdirilməsi və sadələşdirilməsi, unifikasiya olunması və s. istiqamətində mühüm addımlar atırlar. Azərbaycan müvafiq beynəlxalq konvensiyalara qoşulmuş, Dövlət Gömrük Komitəsi gömrük nəzarətinin təşkili, informasiya texnologiyalarının inkişafı sahəsində səylərini xeyli artırmış, avtomatlaşdırılmış idarəetmə sisteminə keçmiş, proqram təminatının texniki bazası yaradılmış və istismara verilmişdir.
Bölmənin digər xəbərləri
