“Şimal-1” ES-də istehsal olunan enerjinin miqdarı açıqlanıb
Bakı, 29 noyabr, AZƏRTAC
Cari il noyabrın 1-dək “Şimal-1” Elektrik Stansiyasında istismara verildiyi tarixdən 51,52 milyard kilovat-saat elektrik enerjisi istehsal olunub.
Energetika Nazirliyindən AZƏRTAC-a bildirilib ki, “Şimal-1” Elektrik Stansiyası 22 il öncə - 2002-ci il 29 noyabr tarixində istismara verilib.
Gücü 265 meqavat olan 1 ədəd qaz turbini və gücü 135 meqavat olan 1 ədəd buxar turbinindən ibarət buxar-qaz tipli stansiyanın ümumi qoyuluş gücü 400 meqavat təşkil edir.
Qeyd edək ki, ölkənin ikinci böyük elektrik stansiyası olan “Şimal-1” Elektrik Stansiyası Bakının 40 faizdən çox ərazisini elektrik enerjisi ilə təchiz edir.
Bölmənin digər xəbərləri
