Azərbaycan Dövlət İnformasiya Agentliyi

EKOLOGİYA

Şimal və qərb rayonlarına düşən yağıntının miqdarı 18-33 millimetrə çatıb

17.09.2014 [12:14]
Çap et
A⁺ A^-

Bakı, 17 sentyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti sentyabrın 16-sı axşamdan 17-si səhərədək ölkə ərazisində müşahidə olunmuş faktiki hava şəraiti ilə bağlı məlumat yayıb.

Məlumata görə, sentyabrın 16-sı axşam şimal və qərb rayonlarından başlayaraq ölkə ərazisində hava şəraiti kəskin dəyişib, sentyabrın 17-si səhərədək bəzi yerlərdə şimşək çaxıb, əksər rayonlarda leysan xarakterli yağış yağıb, əsasən şimal və qərb rayonlarında daha da intensiv və güclü olub. Düşən yağıntının miqdarı 18-33 millimetrə çatıb.

Şimal və qərb rayonlarında bir gecə ərzində yağıntının miqdarı aylıq normanın 87 faizini təşkil edib.

Ayrı-ayrı rayonlarda güclü şimal-qərb küləyi əsib.