SİYƏZƏNDƏ KƏND TƏSƏRRÜFATI MƏHSULLARININ YIĞIMI DAVAM EDİR
Siyəzən, 1 oktyabr (AZƏRTAC). Siyəzəndə 3.267,5 hektar sahədə kənd təsərrüfatı məhsulları yetişdirilmişdir.
Əvvəlki ilin müvafiq dövrü ilə müqayisədə əkin sahələri 83,4 faiz artmışdır. Bu artım, əsasən, payızlıq və yazlıq dənli bitkilər hesabına olmuşdur. Artıq 3.050 hektar taxıl sahəsi biçilmiş, zəmilərdən 5.578 ton məhsul götürülmüşdür. Hər hektarın orta məhsuldarlığı 18,3 sentner olmuşdur.
Digər kənd təsərrüfatı məhsullarının da yığımı başlanmışdır. İndiyədək sahələrdən 27 ton tərəvəz, 94 ton kartof, 19 ton meyvə toplanmışdır.
Məhsul yığımı davam edir.
Bölmənin digər xəbərləri
