Skott Bessent: ABŞ artıq İran təhdidini idarə etmir, ona son qoyur
Vaşinqton, 15 sentyabr, AZƏRTAC
ABŞ iqtisadiyyatının gücü Vaşinqtona İran İslam Respublikasına və onu dəstəkləyənlərə qarşı genişmiqyaslı iqtisadi təcrid kampaniyası aparmağa imkan verir.
AZƏRTAC xəbər verir ki, bunu ABŞ-nin maliyyə naziri Skott Bessent Nümayəndələr Palatasının Maliyyə Xidmətləri Komitəsində keçirilən dinləmədə ifadə verərkən bildirib.
“Prezident Tramp özündən əvvəlki administrasiyaların uzun müddət təxirə saldığı addımları atıb. Onun rəhbərliyi altında Amerika artıq İran təhlükəsini idarə etməklə kifayətlənmir, bu təhlükəyə son qoyur”, – deyə nazir vurğulayıb.
Bessentin sözlərinə görə, ABŞ iqtisadiyyatının yenidən güclənməsi ölkənin rəqiblərinə qarşı güc mövqeyindən fəaliyyət imkanlarını artırır.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
