SOYQIRIMI QURBANLARININ XATİRƏSİ YAD EDİLMİŞDİR
Bakı, 31 mart (AZƏRTAC). Xocalı Soyqırımını Tanıtım İctimai Birliyinin təşəbbüsü ilə (XSTİB) 31 mart - Azərbaycanlıların soyqırımı günü ilə əlaqədar anma mərasimi keçirilmişdir.
Şəhidlərin xatirəsi bir dəqiqəlik sükutla yad edilmişdir.
XSTİB-in sədri Şamil Sabiroğlu və digərləri Azərbaycan xalqının başına gətirilən müsibətlərdən danışmış, soyqırımı faktlarına yalnız ümummilli lider Heydər Əliyevin 1993-cü ildə yenidən hakimiyyətə qayıdışından sonra siyasi-hüquqi qiymət verildiyini xüsusi vurğulamışlar. Onlar 91 il əvvəl erməni-bolşevik hərbi birləşmələrinin Bakıda törətdikləri kütləvi qırğınların təkcə Azərbaycan xalqına deyil, bütün insanlığa qarşı törədildiyini və bəşər tarixində qara ləkə olduğunu söyləmişlər.
Tədbirdə xalqımızın məruz qaldığı faciələrin dünya ictimaiyyətinə çatdırılması sahəsində dövlətimizin başçısı tərəfindən məqsədyönlü iş aparıldığı xüsusi vurğulanmış, işğal olunmuş torpaqlarımızın düşmən tapdağından azad ediləcəyinə əminlik bildirilmişdir.
Bölmənin digər xəbərləri
