“Spiegel”: Almaniya 1990-cı illərdə Rusiyanın NATO-ya daxil olmasına qarşı çıxıb
Bakı, 25 avqust, AZƏRTAC
Rusiyanın Şimali Atlantika Alyansına qoşulması məsələsi 1990-cı illərdə fəal müzakirə olunurdu, lakin bu ideya Avropa ölkələrinin, xüsusən də Almaniyanın kəskin etirazı ilə qarşılandı.
AZƏRTAC xəbər verir ki, bu məlumatı Almaniyanın “Spiegel” nəşri 1994-cü ilin məxfi sənədlərinə istinadla yayıb.
Qeyd olunur ki, ABŞ-ın prezidenti Bill Klinton Rusiyanı alyansa qəbul etməyə ciddi sadiq idi və bu məsələni o zaman Rusiya dövlətinin başçısı olmuş Boris Yeltsinlə müzakirə edib.
“ABŞ prezidenti həm də avropalı müttəfiqlərinin sərt müqaviməti ilə üzləşib. Söhbət Rusiyanın NATO-ya üzvlüyü məsələsinə gələndə Almaniya hökuməti qətiyyətlə çıxış edirdi”, - məlumatda deyilir.
Bölmənin digər xəbərləri
