Stüardlar Lyuis Hemiltona xəbərdarlıq ediblər
Bakı, 24 noyabr, AZƏRTAC
“Yas Marina” avtodromunda Formula 1 Əbu-Dabi Qran-Prisinin sərbəst yürüşləri keçirilib.
AZƏRTAC xəbər verir ki, səhər sessiyası zamanı “Mercedes” komandasının pilotu Lyuis Hemilton pit-leynə giriş zamanı idman reqlamentini pozaraq ağ xətti keçib.
Britaniyalı pilot yüksək sürətlə pit-leynə daxil olmağa çalışıb və nəticədə onun maşını trasa doğru geri istiqamət alıb. Lyuis geriyə gediş rejimini seçib və çıxış nöqtəsinə qayıtmaq üçün ağ xətti ikinci dəfə keçib. Bu hərəkətindən sonra stüardlar onu hakim masasına dəvət ediblər. Araşdırmalardan sonra dünya çempionu hakimlər tərəfindən xəbərdarlıq alıb.
Bölmənin digər xəbərləri
