Su ehtiyatlarının mühafizəsi üzrə yol verilən qanun pozuntularına görə 52 nəfər cərimələnib
Bakı, 27 oktyabr, AZƏRTAC
Doqquz ay ərzində su ehtiyatlarının mühafizəsi üzrə hüquqi və fiziki şəxslər barəsində 195 akt və 55 protokol tərtib olunub. Aşkar edilmiş nöqsanların aradan qaldırılması üçün icrası məcburi olan 114 müddətli “məcburi göstəriş” verilib.
Bu barədə AZƏRTAC-a Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sektor müdiri Raqub Mirzəyev məlumat verib.
Bildirilib ki, ümumilikdə, 52 nəfər 45 min 609 manat məbləğində cərimələnib, ətraf mühitə dəymiş ziyana görə 22 fakt üzrə 57 min 629 manat məbləğində iddia qaldırılıb və 949 müəssisə və təşkilata 200 min 640 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına 17 iş göndərilib.
Bölmənin digər xəbərləri
