Su hövzələrindən və satış yerlərindən 138 min metr uzunluğunda sintetik tor yığışdırılıb
Bakı, 6 sentyabr, AZƏRTAC
Ötən ildən bu ilin sentyabrınadək Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidməti ilə Daxili İşlər Nazirliyinin Su Nəqliyyatında Polis İdarəsinin birgə fəaliyyəti nəticəsində həm su hövzələrindən, həm də satış yerlərindən 138 min metr uzunluğunda 2 min 414 ədəd sintetik tor yığışdırılıb.
AZƏRTAC xəbər verir ki, bunu Dövlət Ekoloji Təhlükəsizlik Xidmətinin rəisi Hikmət Əlizadə Ekologiya və Təbii Sərvətlər Nazirliyinin rəsmi feysbuk səhifəsində yayımlanan “Ekspert saatı” verilişində deyib.
H.Əlizadə bildirib ki, sintetik torların həm ətraf mühitə, həm də su bioresurslarına mənfi təsiri böyükdür. Odur ki, bununla mübarizədə sıravi vətəndaşlar da fəal iştirak etməlidirlər.
Bölmənin digər xəbərləri
