“Sükutun son gecəsi” adlı ədəbi-bədii kompozisiya təqdim olunmuşdur
Bakı, 24 fevral (AZƏRTAC). Fevralın 24-də Azərbaycan Dövlət Mədəniyyət və İncəsənət Universitetinin “Səda” Tədris Teatrında Xocalı faciəsinin 19-cu ildönümünə həsr olunmuş “Sükutun son gecəsi” adlı ədəbi-bədii kompozisiya təqdim edilmişdir.
AZƏRTAC xəbər ki, kompozisiyanın nümayişindən əvvəl Azərbaycanın ilk hərbi operatoru Seyidağa Mövsümlü və jurnalist Şamil Sabiroğlu çıxış edərək Xocalı hadisələrinin canlı şahidləri kimi dinc əhaliyə qarşı törədilən vəhşiliklərdən söhbət açmışlar.
Tədbirdə Xocalı faciəsi zamanı çəkilmiş şəkillərdən ibarət sərgi təşkil olunmuşdur.
Sonda Azərbaycan Dövlət Mədəniyyət və İncəsənət Universitetinin tələbələrinin yüksək vətənpərvərlik ruhunda hazırladıqları ədəbi-bədii kompozisiya nümayiş etdirilmişdir.
######
Bölmənin digər xəbərləri
