Sululuq əksər dağ çaylarında azalmışdır
Bakı, 29 iyun (AZƏRTAC). Sululuq iyun ayının sonlarında əksər dağ çaylarında bir qədər azalmışdır.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a bildirmişlər ki, hazırda Böyük Qafqazın Şəki-Zaqatala bölgəsi çaylarında sululuq ongünlük normanın 55-145, Quba-Xaçmazda 70-180, Lənkəran-Astarada 190-250, Kiçik Qafqazda 55-85, Naxçıvan MR çaylarında isə 106 faizini təşkil edir.
Kür çayının Qıraqkəsəmən məntəqəsində su sərfi saniyədə 277 kubmetr, Qanıx çayının Əyriçay məntəqəsində isə saniyədə 176 kubmetrdir.
İyunun 26-dan başlayaraq Kürün aşağı axınındakı Surrada suyun 88, Şirvanda 106, Salyanda 44, Bankədə 26, Araz çayının Novruzlu məntəqəsində isə 75 santimetr azalması müşahidə olunmuşdur.
Suyun səviyyəsi Kür və Araz çaylarının bütün məntəqələrində ötən ilin müvafiq dövrü ilə müqayisədə aşağıdır.
Bölmənin digər xəbərləri
