Sumqayıt dəmir yolu vağzalında baş verən yanğın söndürülüb
Sumqayıt, 20 avqust, Ətrabə Rzayeva, AZƏRTAC
Sumqayıt dəmir yolu vağzalında baş verən yanğın söndürülüb.
Bu barədə AZƏRTAC-a Sumqayıt şəhər Yanğından Mühafizə İdarəsinin rəisi polkovnik Tahir Quliyev məlumat verib.
Bildirilib ki, Sumqayıt dəmir yolu vağzalının inzibati binasının damında quraşdırılan 1 ədəd kondisioner kompressoru, divar üzlüyü 15 m² sahədə və 10 p.m elektrik kabeli yanıb. Yanğınsöndürənlər tərəfindən 10 nəfər təhlükəsiz əraziyə təxliyə olunub. Bina yanğından mühafizə olunub. Yanğın yanğından mühafizə bölmələri tərəfindən söndürülüb.
Bölmənin digər xəbərləri
