“Synergy Baku” velosiped komandası “İstrian Spring Trophy” yürüşünü uğurla başa vurub
Bakı, 14 mart, AZƏRTAC
Azərbaycanın kontinental velosiped komandası “Synergy Baku”nun Xorvatiyada keçirilən “İstrian Spring Trophy” veloyürüşündə mübarizəsi başa çatıb.
AZƏRTAC xəbər verir ki, Beynəlxalq Velosipedçilər İttifaqının (UCİ) 2.2 kateqoriyalı yarışının sonuncu - üçüncü mərhələsi komandamızın üzvü Matey Müqerlinin qələbəsi ilə yekunlaşıb. Yürüşün 146 kilometrdən ibarət bu bölümdə velosipedçimiz finiş xəttini hamıdan tez keçib - 3 saat, 9 dəqiqə, 20 saniyə. Matey Müqerli yarışın birinci mərhələsində 2-ci, 2-ci mərhələsində isə 5-ci olmuşdu. Bu amil təmsilçimizə ümumi təsnifatda liderdən cəmi 3 saniyə geri qalmaqla yarışı 3-cü pillədə bitirməyə imkan verib.
Qeyd edək ki, “Synergy Baku” bu yarışda Maksim Averin, Matey Müqerli, Kiril Pozdnyakov, Matiya Kvasina, Yannis Tamuridis və Samir Cəbrayılovla təmsil olunub.
Bölmənin digər xəbərləri
