Tarixin ən böyük tropik ağacəkmə layihəsi çərçivəsində 73 milyon ağac əkiləcək
Bakı, 3 noyabr, AZƏRTAC
Dünyanın “ağciyərləri” kimi tanınan Amazon tropik meşələri son illərdə böyük zərər görüb. Son 40 ildə Amazon meşələrinin sahəsi 20 faiz azalıb. Gələcək iyirmi ildə meşələrin daha 20 faizinin yox olacağı proqnozlaşdırılır. Meşələrin sahəsinin azalması nəticəsində də dünyada karbon qazının miqdarı yüksəlir və qlobal istiləşməyə səbəb olur.
AZƏRTAC “ecowatch.com” saytına istinadla xəbər verir ki, ağacəkmə işlərini həyata keçirən “Conversational International” şirkəti gələcəkdə qlobal istiləşmənin qarşısını almaq üçün yeni bir layihəyə imza atacaq. Tarixdəki ən böyük tropik ağacəkmə layihəsi çərçivəsində 73 milyon ağac 30 min futbol stadionu böyüklüyündə ərazidə əkiləcək.
Qeyd edək ki, qlobal istiləşmənin qarşısının alınması məqsədilə Paris konfransında alınan qərarda tropik meşələrin qorunması məsələləri hədəflənib.
Bölmənin digər xəbərləri
