AZƏRTAC-ın xüsusi müxbiri xəbər verir ki, “Tbilqaz” idarəsi “Qazeksport” şirkətinə olan 11 milyon ABŞ dolları məbləğində borcu ödəmədiyindən Tbilisinin bir çox yaşayış məhəlləsinə qazın verilməsi dayandırılmışdır. Gürcüstan energetika naziri Nika Gilaurinin sözlərinə görə, iki-üç həftəyə borcun 2 milyonu ödəniləcəkdir və bundan sonra yəqin ki, şəhərin təbii qazla təminatı bərpa olunacaqdır. Hazırda bununla bağlı “Tbilqaz”la şəhər bələdiyyəsi arasında danışıqlar aparılır.

Xatırladaq ki, “Tbilqaz” “Qazeksport” şirkətindən 15 milyon ABŞ dolları dəyərində qaz almış və indiyədək borcun yalnız 4 milyon dollarını ödəyə bilmişdir.