TƏBİİ FƏLAKƏTİN FƏSADLARI ARADAN QALDIRILMIŞDIR
Gədəbəy, 31 may (AZƏRTAC). Mayın 29-da axşam saatlarında yağan dolu və qasırğa nəticəsində Gədəbəy rayonunun əkin və yol təsərrüfatlarına dəymiş ziyan artıq aradan qaldırılmışdır.
Bu barədə məlumat verən rayon fövqəladə hallar komissiyasının sədri Qüdrət Paşayev demişdir ki, əsasən İnəkboğan, Böyük Qaramurad, Arıqıran və Novo Saratovka kəndlərinə yağan dolu və leysan yağışları əkin sahələrinə və eləcə də kəndarası yollara xeyli ziyan vurmuşdu. İki gün ərzində təbii fəlakətin törətdiyi fəsadlar demək olar tamamilə aradan qaldırılmışdır.
Bölmənin digər xəbərləri
