TERROR HƏDƏFİ JANDARMLARIN KAZARMASI OLMUŞDUR
AZƏRTAC-ın xüsusi müxbiri xəbər verir ki, Fransanın Ot-Korsika departamentinin mərkəzi Bastianın yaxınlığındakı Montzoroda jandarmlarının kazarması terror hədəfinə çevrilmişdir. Kazarmanın əsas binasının girişlərinin birində qoyulmuş partlayıcı qurğunun işə düşməsi nəticəsində qapı və pəncərələr qırıq-qırıq olaraq göyə sovrulmuş, binaya ciddi zərər dəymişdir. Jandarmlardan birinin şəxsi minik maşını tamam sıradan çıxmışdır.
Ot-Korsika jandarm idarəsinin komandiri partlayışı yerli millətçilərin jandarmları qorxutmaq məqsədi ilə törətdiklərini bildirmişdir.
Montzorodakı jandarm kazarması bundan əvvəllər də bir neçə dəfə belə terror aktlarına məruz qalmışdır.
Baş vermiş hadisə ilə bağlı cinayət işi açılmışdır.
Bölmənin digər xəbərləri
