TEYMUR RƏCƏBOV MACARISTAN ŞAHMATÇISI İLƏ DƏ “SÜLH” BAĞLAMIŞDIR
Bakı, 29 sentyabr (AZƏRTAC). Teymur Rəcəbov Çinin Nantszin şəhərində dairəvi sistem üzrə keçirilən superturnirin ikinci turunda Macarıstan şahmatçısı Peter Leko ilə qarşılaşmada heç-heçə etmişdir.
Həmyerlimiz bu görüşdən sonra 1 xal toplayaraq, turnirin liderindən bir xal geridə qalır.
Digər görüşlərdə M.Karlsen (Norveç) V.Topalova (Bolqarıstan) qalib gəlmiş, D.Yakovenko (Rusiya) isə Van Yu ilə xalı yarı bölmüşdür.
İki oyunun nəticəsinə görə, M.Karlsen 2, Van Yu, T.Rəcəbov, D.Yakovenko hərəyə 1, P.Leko və V.Topalov hərəyə 0,5 xal toplamışlar.
Üçüncü turda Van Yu- M. Karlsen, V.Topalov- P.Leko, T.Rəcəbov- D.Yakovenko qarşılaşacaqlar.
Turnirin ümumi mükafat fondu 250 min avrodur. Yarışın qalibini 80 min avro mükafat gözləyir.
Bölmənin digər xəbərləri
