TEZLİKLƏ NAXÇIVAN MUXTAR RESPUBLİKASI BÜTÜN DÜNYA İLƏ PROBLEMSİZ RABİTƏ ƏLAQƏSİ SAXLAYA BİLƏCƏKDİR
Rabitə və informasiya texnologiyaları naziri Əli Abbasov AZƏRTAC-ın müxbirinə demişdir ki, əsas çətinlik muxtar respublikadan kənara çıxışla bağlıdır. Bu gün Naxçıvanın yerüstü ötürücülər vasitəsilə Türkiyə (Ərzurum) tərəfə çıxışı vardır. Bölgəyə Türksat peykindən kanallar alınmişdır, son vaxtlar Azərbaycan şirkəti Azərsatdan çıxışlar verilmişdir. Problemin tam həlli üçün üç istiqamətli, o cümlədən Cənub (İran-Dubay-Türkiyə) istiqamətli fibrooptika kanalımızın imkanlarından istifadə ediləcəkdir. Hazırda Culfada müəyyən texniki işlər görülür. Tezliklə muxtar respublikadan çıxışın həcmi yüz dəfələrlə artacaqdır.
Xatırladaq ki, regiondan ATS-lərin elektronlaşdırılması başa çatmışdır.
Bölmənin digər xəbərləri
