Tişiko Kinq: COP29-dan ədalətli nəticələrin əldə olunmasını gözləyirəm
Bakı, 19 noyabr, AZƏRTAC
“COP29 konfransında bütün insanların, xüsusilə yerli icmaların və Cənub ölkələrinin mənafelərini əks etdirən ədalətli və inklüziv nəticələrin əldə olunmasını gözləyirik. Yerli xalqlar olaraq, bizi əhatə edən məsələlərin çox vaxt beynəlxalq səviyyədə nəzərə alınmaması davam edir. Buna görə də, maliyyə mexanizmləri və Paris Sazişinin 6-cı maddəsi çərçivəsində torpaq, su və təbii resursların hüquqlarını qoruyan yanaşmaların tətbiqi mühüm əhəmiyyət kəsb edir”.
Bu fikirləri COP29 çərçivəsində Avstraliyadan Azərbaycana gəlmiş yerli xalq nümayəndəsi Tişiko Kinq AZƏRTAC-a verdiyi açıqlamada səsləndirib.
Onun sözlərinə görə, konfransda müsbət və əməkdaşlığa söykənən atmosfer hökm sürür: “İştirakçılar öz dövlətlərinin maraqlarını təmin etməyə çalışmaqla yanaşı, qlobal ədalət prinsiplərinə də önəm verirlər. Konfransın ikinci həftəsində adaptasiya və ədalətli keçid prosesini dəstəkləyən praktiki qərarların qəbul edilməsi vacibdir”.
Bölmənin digər xəbərləri
